Хүнс, хөдөө аж ахуй, хөнгөн үйлдвэрийн сайдын А/729 дугаар тушаал, Мал эмнэлгийн мэргэжлийн зөвлөлийн 2024 оны 03 дугаар сарын 06-ны өдрийн хурлын шийдвэр, Мал эмнэлгийн ерөнхий газрын 2024 оны 04 дүгээр сарын 09-ний өдрийн А/104 тоот тушаалын дагуу Монгол улсын 21 аймаг, нийслэлийн адуун сүрэгт Адууны халдварт цус багадах өвчин, адууны африк мялзан, адууны ям, адууны нийлүүлгийн өвчин зэрэг 4 өвчний халдварлалт, тархалтыг тогтоох зорилгоор ийлдэс судлалын болон асуумж судалгааны ажлыг зохион байгуулсан.

Адууны 4 өвчний халдварын түвшинг тогтоох үндсэн зорилгын хүрээнд Улсын мал эмнэлэг, ариун цэврийн төв лабораторийн захирлын 2024 оны 07 дугаар сарын 19-ний өдрийн А/57 дугаар тушаалын нэгдүгээр хавсралт “Адууны 4  өвчний халдварын түвшин тогтоох тандалт”-ын удирдамжийн дагуу хэрэгжилтийг ханган Дундговь аймгийн адуун сүрэгт 2024 оны 09 дүгээр сарын 26-наас 10 дугаар сарын 02-ны өдрүүдэд 15 сумын 75 малчин өрхийн нийт 150 адуунаас цусны дээж цуглуулан ажиллаа.

Тандалт шинжилгээний сорьц цуглуулах ажлыг Мал эмнэлгийн лабораторийн шинжээч эмч нар 15 сумдад ажлын 2 хэсэг болон гарч тандалтыг гэрээний хугацаанд хийж гүйцэтгэсэн. Сорьц цуглуулах ажлын явцад малын бүртгэл хөтлөн ийлдсийг ялган тэмдэглэж, “ТАНДАЛТЫН СИСТЕМ”-д малчдаас асуумж, малын бүртгэлийн мэдээллийг бөглөж сүлжээгээр илгээж удирдамжийн дагуу ажилласан.

Цусны ийлдсийг хээрийн нөхцөлд ялган машины хөргөгчинд хадгалан аймгийн МЭЛабораторит авчиран Улсын мал эмнэлэг, ариун цэврийн төв лабораторит хүргүүлсэн.